GJË QE E KAM PROVUAR
E ÇDOHERË E KAM THËNË
VEÇ HASMIN E PAFSHA
PA BABË DHE PA NËNË,
VEÇ HASMIN E SHPIRTIT
E LASHTË ZOTI JETIM,
SE PËR JETIMIN AS GËZIMI
SHPESHHERË S’ ËSHTË NGUSHËLLIM!

O, PO SI MUND TË MBYTET
NJË QË ËSHTË RRITË BONJAK,
A KUQËLOHEN DUART
ME T’ BONJAKUT GJAK,
A I NDALOHET ZEMRA,
MOS T’ I RRAHË MË “ TAK”,
TË LUSIM DREJTËSI HYJNORE,
TI DI SI TË MARRËSH HAK!

SA DHEMB KUR DERDH LOTË BONJAKU,
OH, UNË FORT MIRË E DI,
BONJAKE JAM RRITË,
SA HERË SHËLLIRËN E TYRE KAM PËRPI
PËR SHKAKTARË TË KËTYRE LOTËVE
A ËSHTË ZGJIDHJE LAKU,
A ËSHTË ZGJIDHJE T’ U FIKEN SYTË,
APO T’ I DUROJË DHEU PËRMBI?!

N’ NJË NATË UNË KAM THËNË
ZOT, VERBOMI SYTË,
QË T’ MOS MUND TA SHOH
KËTË VËLLAVRASJE TË NDYTË;
O, A I MERRET SHPIRTI
VËLLAUT TËND, HE JOBURRË,
FARA JOTE U SHOFTË
N’ KËTO TROJE MOS MBIFTË KURRË!

O, MERR KRAHË I MADHI ANTON ÇETTA
LARGO DHENË NGA VARRI,
E SHIH ÇFARË “MËSHIRE”
KA PRAPË SHQIPTARI N’ GJAK SHQIPTARI…!