Çka se do njerëzia
E do politika
Me cuba punohet
Kështu pëlqen shumica?

Cubi n'gjykatore
Cubi n'uniformë
Cubi n'mantel t'bardhë
Cubi edhe n'shkollë!

Cubi me/pa diplomë
Cubi me/pa kravatë
Cubit mirënjohje
Cubit dekoratë!

Cub, cub, cub
E do politika
Se votat u duhën
A cub qenka shumica?

Cubat respektohen
Të ndershmit s'i pyet kushi
Cubat pasurohen
Të ndershmit më së ngushti.

E thotë politika
Cub u bëftë "dynjaja"
Veç votat m'i jepni
Më cub se ju bëhna!

Jo të gjithë jan cuba
Shumë pak numërojnë
Por për habi t'Zotit
Mbi masën ndikojnë!