Si nyje që nuk zgjidhet
ndihem e lidhur për ty,
dhe pse njihemi pak
shpejt zemrën ma ke rrëmby.
Ka më shum' se diçka
që m'tërheq tek ti,
je burim energjie
që s'njeh shterrim.
Kur shëtis në rrug't e tua
s'shoh veç drita e shkëlqim,
por si çdo e dashuruar
dhe difektet më tërheqin.
Mendoj ditën kur do t'shkoj
e nuk ndihem aspak mir',
ah hyjnesha ime e dashur
largimi do t'jet' i vështir'.
Më frik'son kjo ndjeshmëri,
boshllëkun veç e ndjej,
tash je vendos n'zemrën time
e s'jam gati të lej...