Dje
Perënditë folën me një gjuhë
E në pëllëmbë të dorës më erdhi dielli

Dje
Pash lindjen time në mes të parajsës
Dhe në shpirt më mbiu një lule

Dje
Një puthje ngrohu planetin
Dhe zoti e bekoj dashurinë

Dje
Mori emër një këngë e re
Që askush nuk ia di fundin

Dje
Pushuan të gjitha luftërat
Dhe paqja pushtoj zemrat tona

Dje
Dehur më ka opiumi i buzëve të një Perëndeshe
Dhe pastaj më zuri gjumi për shtatë palë qejfe

Dje
Oh dje isha mbret bre
Botën sjellur e kam në maje të gishtit

Eu… I lumi unë…