Ka rënë dëbora e parë
Është mëngjes i ftohtë vjeshtako-dimëror
E në ajër ndihen kuisjet vajtuese
Të dritareve që hapen me zhurmë
Për të mirëpritur bekimin e agimit
Me ëndrra kumtuese si shkëndija drite të shenjtë

Ndërsa kalimtarët ecin përskaj njëri-tjetrit
E ndjekin me sy rrugët e shkreta
Që tërë shpoti do të nënqeshin hutinë e ditës
Duke larguar kujtimet në mëshirën e ankthit
Për gjithë ata që ndodhen në muzgun e jetës
Me pezme të fjetura fshehtësisë së kumtit hyjnor
Veshur me vellon e bardhë të kristaleve të akullta...