Republikë Dëshpërimi
Të gjithë ata që kanë probleme me frymëmarrje
janë udhëzuar që të kërkojnë një planet tjetër.
T’i mbushin varkat me shpresa
dhe të ngrenë dolli me yje.
Ti e di se përbrenda nesh banon
një cep tokë, si një zemër e trazuar
dhe pavetëdijshëm e shkelim si gjethen e kalbur në një mot me shi.
Matanë murmurimës kalohet me lehtësi.
Qielli sot nuk ka formë;
nuk ka as vija ndarëse.
Në rast përqendrimi mund t’i vëresh
të gjithë politikanët, poetët, filozofët e historianët
si i blatohen realitetit që nuk ekziston.
janë udhëzuar që të kërkojnë një planet tjetër.
T’i mbushin varkat me shpresa
dhe të ngrenë dolli me yje.
Ti e di se përbrenda nesh banon
një cep tokë, si një zemër e trazuar
dhe pavetëdijshëm e shkelim si gjethen e kalbur në një mot me shi.
Matanë murmurimës kalohet me lehtësi.
Qielli sot nuk ka formë;
nuk ka as vija ndarëse.
Në rast përqendrimi mund t’i vëresh
të gjithë politikanët, poetët, filozofët e historianët
si i blatohen realitetit që nuk ekziston.
nga libri Gjithmonë diçka mungon, 2017