"Ku ta gjej atë që të m’i vërë gojës sime rojën
e buzëve të mia vulën e maturisë,
që të mos gaboj me to e të mos më bjerrë gjuha ime?".
(Sir. 22, 33)


Gjuhën e Heshtjes
është e domosdoshme ta mësojnë të gjithë.
Nuk është kurrë vonë
që ajo të mësohet!
Nëse keni mësuar gjuhën e Heshtjes
do të thotë se keni mësuar të jeni të lumtur.
Nëse akoma nuk e keni mësuar,
përpiquni medeomos të shkoni në shkollën e saj,
që ta mësoni sa më parë!
Lini për momentin të gjitha shkollat e tjera
dhe futuni në shkollën e Heshtjes
sepse ajo është e para që duhet të njihet!
Pasi ta keni mësuar vetë
bëhuni mësues të Heshtjes për të tjerët!
Sa e bukur gjuha e Heshtjes,
pa të nuk mund të flitet as gjuha e Dashurisë!
Edhe pastërtia e zemrës është e dobishme
për ta përvetësuar Heshtjen.