Mos bëni sforcime, as mos bartni pesha të kota!
Mos u mundoni për të ndërruar zemrën tuaj,
as për të ndryshuar botën,
sepse është një rrugë e bukur dhe e qetë,
një burim që të çon në Jetë!

Është Ati Qiellor që ju pret në një Takim,
me krahët gjithmonë hapur për një përqafim.
Në Zemrën e tij ka një vend,
një pikë ku dhimbja nuk mund të prekë askënd.

Kërkoni Atin Qiellor, veç Atë takoni,
vetëm kështu botën do ta zbukuroni!
Veç n’Takim me Atin që mbush plot me gëzim
edhe zemra juaj do t’pësojë ndryshim!

Me Atin që ju do pafundësisht si askush,
seç horizonte t’reja do hapen para jush!