Kudo dëbora,
e bardhë plot dëlirësi,
si Lajmëtare Paqeje,
zbret për çdo njeri.

Sa shumë ajo,
këto ditë na ka gëzuar,
me bardhësinë e saj,
gjithçka e ka mbuluar.

Lozin fëmijët,
gjuajnë topa bore.
Gumëzhin gjithkund
një jetë më gazmore.

Na kujton dëbora,
tek bie plot qetësi.
Se zemrat janë krijuar,
për dritë e pastërti.

E ndien njerëzimi,
brenda në thellësi:
Ka ardhur dëbora,
për një fillim të ri.