Për një njeri të rrallë,
po shkruaj unë sot.
Për një djalë të thirrur
nga i madhi Zot.

Ky bir i Shkodrës,
që në fëmijëri.
Jezu Krishtin ndoqi,
me shumë dashuri.

Nuk munguan kryqet,
prova dhe tortura.
Oh, sa e rëndë ishte,
e zeza diktatura!

Siç thashë në fillim,
ky njeri i rrallë.
Thirrjen që iu bë
e mbajti të gjallë.

Për vite e vite,
ruajti një sekret:
T’i kushtohet Krishtit,
si vëllai i vet.

Në provat e shumta,
që atyre iu dha jeta.
Hap pas hapi afër,
qëndroi motër Çiljeta.

Pas vitesh skllavërie,
mundimesh prej Kalvari.
Thirrjes iu përgjigj
dom Gjergj meshtari.

O male e fusha,
njerëz kudo gëzoni!
Prift po shugurohet,
dom Gjergj Simoni.

Meshtar si Krishti
gjithmonë do jetë me ne.
Si martir i gjallë
për Fe e Atdhe.

Kushtuar Dom Gjergj Simonit
Me rastin e 25-vjetorit të shugurimit meshtarak