Për ty, që një celular ke blerë,
sa turp nëse nuk more Biblën plot vlerë!

Për ty, që një celular ke dhuruar,
sa keq nëse një Bibël dikujt s’ia ke kushtuar!

Për ty, që çdo program në celular ke mësuar,
mos e harro Biblën me Fjalë për t’u jetuar!

Për ty, që një celular kudo që shkon e ke,
merre me vete Biblën, që të jep një jetë të re!

Për ty, që vazhdimisht lundron në internet,
nëse Biblën nuk lexon, se ç’vdekje të pret!

Në celular të tërheqin mirazhe dhe kotësi,
në Bibël Fjalë Jete dhe plot dashuri.

Sado në celular dhe internet ti lundron,
kurrë s’do të gjesh atë që dëshiron!

Sepse zemra jote krijuar për dashuri,
veç në Fjalën e Hyjit mund të gjejë lumturi.

Ejani tek unë ju ˗ thotë Jezusi ˗ ky është urdhri im,
kështu për shpirtrat tuaj do të gjeni pushim!

Prandaj motra e vëllezër, që kërkoni shpëtim:
Të zgjidhni tani Biblën e të keni gëzim!