Ulur,
nën hijen e pemëve qindra vjeçare
të Lurës piktoreske.

Shikoj,
majën e maleve kreshnike,
të Lurës famëmadhe.

Gjithashtu
sodis pyjet rrethuese,
të liqenit të Luleve.

Sa bukur,
një liqen krejt i vogël,
që mban emrin e luleve!

Pastaj,
liqeni i Kallabës, i Koqekut,
liqen i pastër i Hotit.

Të hershmit,
liqen i Thatë, i Zi,
ndër ta liqeni i Lotëve.

Të rrethuar,
nga shkëmbinj shekullorë,
që bartin origjinalitetin e tyre.

Vajzë,
që kurrë nuk plaket,
Lura e bukur shqiptare.

Zemër antike,
fytyrë e rrudhosur
nga rrebeshet historike.

Sot,
Lurë e rilindur,
në të bukurën Jetë.