Ëndërroj të jem i pasur,
t’ia ndaj mbarë pasurinë time
të varfërve.
Ëndërroj të jem i varfër,
t’u shtrij duart e mia
të pasurve.
Ëndërroj të dua,
t’u jap dashuri
vëllezërve.
Ëndërroj të jem i dashur,
të ndiej dashurinë
e vëllezërve.
Ëndërroj të këndoj,
t’u jap çlodhje
njerëzve.
Ëndërroj të jem poet,
të shkruaj bukuritë
e jetës…
Ëndërroj drejtësinë,
që të njohim
të Vërtetën.

versioni gegnisht përshtatur nga Ndrekë Zalli:

Andrroj t’jem i pasun,
t’ia ndaj krejt pasuninë teme
të vorfënve.

Andrroj t’jem i vorfën,
t’u shtrij duert e mia
të pasunve.

Andrroj të due,
t’u jap dashuni
vllezënve.

Andrroj të jem i dashtun,
të ndiej dashuninë
e vllezënve.

Andrroj të kndoj
e t’u jap çlodhje
njerëzve.

Andrroj t’jem poet,
të shkruej për bukuritë,
për gëzimet, për jetën…

Andrroj drejtësinë,
që t’njohim
të Vërtetën.