… shpirti më shpaloset…
Një ditë e re zbardhi,
për jetën time rinore.
Dhe dashuria ndjenjat m’i ngjalli
me këngën e saj gazmore.

… shpirti më shpaloset…
Dhe buzët më ngrohen,
dhe zemra gëzon.
Një gonxhe erëkëndshme shpërthen,
jetën pafundësisht ma pushton.

… shpirti më shpaloset…
Dhe shpresa lulëzon,
në terrin e natës besimi,
drita të reja ndez,
drita që çojnë te Gëzimi.

versioni gegnisht përshtatur nga Ndrekë Zalli:

… shpirti më shpaloset…
Nji ditë e re zbardhi,
për jetën teme rinore.
E dashunia ndjenjat m’i ngjalli
me kangën e saj gazmore.

… shpirti më shpaloset…
E buzët më ngrohen,
e zemra gëzon.
Nji gonxhe erëkandshme shpërthen,
jetën pafundësisht ma pushton.

… shpirti më shpaloset…
E shpresa lulëzon,
në terrin e natës besimi,
drita të reja ndez,
drita që çojnë te Gëzimi.