Ka një logjikë Pafundësia:
kërkon vende të vogla
që të banojë aty.
Sa më të vegjël të jemi,
aq më shumë
Pafundësia banon në ne;
sa më të dobët të jemi,
aq më e fortë
Pafundësia është në ne.
E pra,
seç mister:
Banon në ne e Pakufishmja,
në ne që nga çdo anë
kufij kemi!

versioni gegnisht përshtatur nga Ndrekë Zalli:

Ka nji logjikë Pafundësia:
kërkon vende të vogla
që të banojë aty.

Sa mâ t’vegjël t’jemi,
aq mâ shumë
Pafundësia banon në ne;
sa mâ t’dobët t’jemi,
aq mâ e fortë
Pafundësia asht në ne.

E pra,
se ç’mister:
Banon në ne e Pakufishmja,
në ne që nga çdo anë
kufij kemi!