Kam kapërcyer
Shtegun e mrekullueshëm të Paqes
dhe përgjatë këtij Shtegu
do të ec gjithmonë,
pa shikuar më
as majtas, as djathtas
dhe as prapa.
Ka gjëra të mrekullueshme
përgjatë këtij Shtegu,
unë i shoh,
prandaj dua t’i shijoj
deri në fund
e, si i dehur nga kjo ekstazë hyjnore,
dua të ec i lumtur dhe i gëzuar,
e, ndërsa shijoj bukuritë e kësaj jete,
të lë gjithkund gjurmë feste,
gjurmë hareje,
për të gjithë ata që duan ta ndjekin
këtë Shteg.

përshtatur në gegnisht nga Ndrekë Zalli:

Kam kapërcye
Shtegun e mrekullueshëm të Paqes
e përgjatë ktij Shtegu
do t’eci gjithmonë,
pa shikue mâ
as majtas,
as djathtas
e as mbrapa.

Ka gjâna t’mrekullueshme
përgjatë ktij Shtegu,
unë i shoh,
prandaj due t’i shijoj
deri në fund
e, si i dehun nga kjo ekstazë hyjnore,
due t’eci i lumtun e i gëzuem,
e, ndërsa shijoj bukuritë e ksaj jete,
të lâ gjithkund gjurmë feste,
gjurmë hareje,
për t’gjithë ata që duen ta ndjekin
kyt Shteg.