Kush vëllanë gëzon,
Krishtin vëlla do ketë.
Dhe nëse e don,
Krishti i nep jetë.

Bani vizitë vëllait,
kur t’jetë i sëmurë!
Se kështu Jezu Krishti,
nga ti s’ndahet kurrë.

Shko tek i burgosuri,
ngushllo çdo të shkretë!
Se vetë Jezu Krishtin,
aty ke me e gjetë.

Strehoje shtegtarin,
ruej se e keqtrajton!
Se asht vetë Krishti,
që ndihmë të kërkon.

Atij që ka nevojë,
me plot dashuri.
Nepi me hangër,
nepi me pi!

Nëse t’gjitha këto,
i ban me kënaqësi.
Do shohësh se Krishti,
ka me të ripërtëri.

Kush vëllanë gëzon,
Krishtin vëlla do ketë.
Dhe nëse e don,
Krishti i nep jetë.