Xheva Salihaj - Një Gotë Për Ty!

LETERSISHQIP

Xheva Salihaj

Një Gotë Për Ty!

Vëllait Kemajl Salihaj, tashmë martir i Kombit, i cili sonte do të festonte datëlindjen e tij të 51-të

Në këtë̈ natë të 31 dhjetorit
Mbushe përvjetorin e jetësimit-
amshimit, i Miri im!
Je me ne e në ne!
E pritja...pritja...
është jetësimi dhe shëmbëllimi yt!
T’i ngremë gotat, për jetësimin,
për trimërinë̈, për Ne e për Ty!

Sonte është ndjesia e natës më të bukur.
Natë e festës së dyfishtë!
Këtej, gosti për një̈ vit të mbarë!
Andej ndjesi për përjetësi!
Gëzuar për tokën e qiellin Arbëror!

Rrjedha e gjakut nga toka tek yjet merr vezullimin
e bashkë me rrezet e diellit shkrihen mbi Dardani.

Sa shkuaka bardhësia me të kuqen,
ngjyra kafe i bashkon në një̈ trup,
si shqiponja në të kuqin flamur.
Amanetin: Gjokse shqipesh përballë korbave!
Jo, nuk na trandën buçimat, as ulërimat e ujqërve.

Përtej mallit datëlindje të bardhë!
Sa herë dekoroja pemën e Krishtlindjeve,
kartolina e urimit, bëhej më e bukur, merrte kuptimin e fjalët rrjedhin nga shpirti i motrës për vëllanë,
për trimërinë̈ dhe për datëlindjen.
Sonte u hap qielli mori trimin,
për të festuar bashkë lirinë̈ e bardhësinë!

Sa brilante bëhej festa,
Nata e fundvitit!
Sa me padurim prisnim përqafimin e Urimit!
Oh, sa më dhemb shpirti që s' të kam i miri vëlla!
Më mungon ngrohtësia që s’të kam përkrah.

Kjo natë më merr me vete,
në thellësi shpirti tymnajë
Kujtimet janë meditimi im
E kuqja lindet në lapidar!

Dhe ecin vitet...
përditë shoh si rritet nami
Kudo lexoj e ndiej frymën tende,
emrin të gdhendur në
LIRI.

Këtë natë, si shumë net të festave të fundvitit
dëgjoj zërin tënd:
“Motër sonte kam datëlindjen”!
E unë, motra e Konstandinit
vështrimin hedh mbi tavolinë,
aty ku mbet një zemër bosh dhe dy gota relikte në pritje për dolli!

St.Veit, 31.12.2020

Më shumë nga Xheva Salihaj

Komente 0

Komento ti i pari