Asnjë dhe asgjë më e rëndësishme,
Asnjë nuk ka lindur si ty,
Se gjen dot një të dytë,
Ti je një nga mrekullitë,
Ti je unike!

Ti je dashuria e vërtetë,
Askush nuk do të dojë si vetja në jetë,
Po ashtu ngulite mirë në kokë,
S’meriton askush të duhet si vetja në tokë!

Dashuria fillon nga ty,
E më pas shumëfishohet,
Se kur te fillosh te duash veten vërtetë,
Gjithçka do shkoj në vend të vet,
Veç atëherë mund të duash, e të të duan.

Duaje trupin, mendjen, shpirtin,
Pëlqeje atë që sheh para pasqyrës,
Me të metat dhe pasiguritë,
Je e veçantë në të gjitha cilësitë,
Je autentike.

Jepi gjithmone vemendje,prioritet vetes
Vlerësoje, respektoje…
Ji krenare dhe e duruar,
Trajtoje në mënyrën më të mirë…

Qesh me të, përqafoje, gëzoje,
Vishu për të, kujdesu për të,
Puno për të…
Jeto për të…

Duaje pa fund veten,
Veç kështu mund të jesh e fortë,
Se kur ti je e fortë,
Vlen për tetë a dhjetë vetë!

Duaje sot, nesër, përherë,
Sot më shumë se dje,
Sepse vetem veten gjithmone e ke,
Në momentet më të veshtira,
Po ashtu dhe në ato të mira.