Sapo bie muzgu TI vjen më trazon mallin
Nuk ka natë fundmaji që nuk më tundon
Vjen si erë e harlisur e më freskon ballin
Pranverën në mua vetëtimthi e zgjon

Nuk ka net behari që nuk të përmend
S'ka çast që s'e kërkoj tëndin të bukur sy
Si skifter krahapur askund nuk zë vend
T'kërkoj lart mbi korb-re në shtatën yjësi

Me duf thith cigaren dhe buza më dridhet
Një ndjenjë përvëluese seç më turbullon
Gufon prushmalli n'grykë vjen e mblidhet
Kur fanitesh TI mbi të pafundmin hon

Këto dallgë tunduese nuk i përballoj dot
Ndaj zbraz gastaren mbush me rekëtima Tundohem me vrull si vera M E R L O T
Tek rrjedh kraharorit e trazon gjekëtima

Në sy m'digjen yjet dhe zjarri nuk mehet
Kërkoj dritën tënde po s'e shoh askund
Zbraz t'bekuarën gotë e shpirti nuk dehet
Ma mbush me erën tënde e ta pi me fund

Ç'pate në këto net kush ta theu qetësinë
Ç'u ngryse në skëterrë ndër ato abuze
Eja sonte s'bashku korbnatën ta gdhimë
Mua sot m'trazuan vargjet e një muze

Sonte Ballëhënë kridhu në tuat tundime
Rrëgjoi ëndrrat tona posi gjethe vjeshte
Me kafenikotinë unë vras ca terskujtime
Si skifter syzgjuar t'pres në majë kreshte