>
LETERSISHQIP
Ermira Tafciu

Flamujt Valeviten

Flamujt valëviten në qiellin tonë,
Në zemër shqiponjat dykrenare.
Këndojmë të veshur kuqezi,
Për të gjithë ata që bënë Shqipëri.

Nëntor i kuq, nëntor i zjarrtë,
Bijtë e kësaj toke
U zhytën ndër flakë;
Dhanë jetën e u gjakosën
Që ty, Shqypni, mos të t' prangosin

Dy herë u shkrua historia:
Në atë nëntor u foli liria—
Me Skënderbeun fitimtar,
E në Vlorë me Ismail Qemal.

Në nëntor po, edhe fituam
Mbi fashistët e nazistët;
Prandaj nëntorin kuq e flasim,
Ulemi në gjunjë për çdo dëshmor.

Flamujt valëviten në qiellin tonë,
Në zemër shqiponjat dykrenare.
Këndojmë të veshur kuqezi,
Për të gjithë ata që bënë Shqipëri.