Kush e mori zemrën pas
e e mbështolli
me akull të zjarrtë?!

Kush se dha shpirtin
për fëmijë?!
E u përball
me breshër suferi?!

Kush s’u përul
para gjithkujt,
që buzëqeshur
ata të ishin?!

Kush nuk bëri
aq sa mundi?!
E kush për ta
veten shkërmoqi?!

Që dashuri të kishin
e me dashuri të rriteshin,
por mbrapsht rrallë morën
aq dashuri
sa dhe kërkonin.

Kush qe prind
e s’u flijua?!
Me të pamundshmen u përball.

Kush ma shumë për ty mendoi?!
Përveç Zotit —
nanë e babë.

Ndaj çdo ditë ju, mos harroni,
me u dhanë
një dritë në sy,
me ia kujtue vetes pareshtur:
kush ju dha
ma shumë dashni.