Përkulem:
para diellit të zjarrtë
- burim drite dhe ngrohtësie;

para hënës së plotë
- trupit që natën e bën ditë;

para detit të kaltër
- akuarium bimësh e gjallesash;

para gjakut dhe eshtrave t’heronjve, …
- gurrë lirie e mëvetësie;

para flamurit të ngritur
- simbol kombi, simbol shtetësie;

para kujtimit të prindërve t’ndjerë
- dashuri që zemrën dhe mallin e përvëlon;

para mësuesit tim të lëbyrun
- rrezatues diturie ndër breza;

para kullës së lashtë
- lëvozhgë e gurëzuar strehimi e mbrojtjeje;

O përkulem edhe para bjeshkës kryelartë
- peizazh madhështor kullosash vere;