Me hije sendesh po mbush duart
sot
Ja, dheu, që do të më mbulojë eshtrat pa
mish
ja, arkëmorti, gdhendur nga mjeshtri pa shpirt
ja dhe varri, gropa e shpifur, qe s’e kam
frikë!
Po Ëndrrat?!
Po Lotët?!
Ëndrrat, muzgjeve
t’i derdhin natës ninullat…
i kam të bukura ëndrrat
Lotët, agimeve
kur të zbresin vesën mbi bar…
Varrosmëni tani!
Mos harroni trëndafilat!
Mbulova hijen time
me pikëllim blu
si kjo natë!