>
LETERSISHQIP
Marjeta Shatro Rrapaj

Asnjëherë Nuk Harroj

Kam zgjedhur të eci
Jashtë vëmendjes së njerëzve
Duke shlyer çdo borxh
Çdo taksë të vënë nga jeta...

Ngarkuar jam me hallet e të tjerëve
Vuaj shpesh pa pasur asnjë faj
Di vetëm të eci përpara
Kthesat nuk di t'i marr...

Ngrihem sa herë rrëzohem
E dërrmuar shpërthej në vaj
Po prapë vazhdoj të eci
Asnjëherë nuk harroj
Asnjëherë nuk ndal.