Mbushur jemi
me përzemërsinë e butë
të dhembshurisë
Kemi mirëdashjen e madhe
Përulësinë e mendjes
Se durojmë dhe falim bujarisht
Me butësi e shpirtgjerësi
Veshur jemi me dashuri të përsosur
Japim falënderime për çdo gjë
E mbajmë ndezur zjarrin e frymës
Me përgjërime e ndërgjegje të pastër
Edhe pse vuajmë që bëjmë mirë
Parzmore kemi të vërtetën
Me besimin si mburojë
Shuajmë shigjetat e së keqes
Me çiltërsi presim lajmin e shenjtë
Paçim paqe e bekimin e ringjalljes!