Vjen një njeri
Më thotë fjalë fyelli
“S’ta them për kompliment,
Ti më njeh mirë
Ti je për ne
Ti je për…
Ti je….
Ti!
Buzëgaz i lodhur
Nga mundimi i stërvitjes
Fjalë fyellore, të plakura.

Vjen një njeri
Në trup, kërmilli gollash
Në gjak, poleni i zemërimit
Në gjuhë, zehëri i pelinit
Që dhëmbët e pengojnë të dalë.
Paçka!
Në qenkam i dobët për të bërtitur
Se rast për sherr ai s’me jep
I lumtur jam që mund t’i fshij
Jargët kërmillore.