Lajm i hidhur, më një korrik,
Për një shkrimtar dhe akademik,
Shpërtheu lajmi si rrufeja,
Ndërroi jetë, Ismail Kadareja!
Mbylli sytë për gjithmonë,
Proza humbi një ikonë!
I dalluar ishte si shkrimtar,
Mirë e njohu bota mbarë!
Në vitin 1936, më 28 janar,
Në Gjirokastër lindi ky pishtar,
Nga Hatixhja dhe Haliti,
Erdh në jetë gjirokastriti.
Me emrin Ismail, u pagëzua,
Emrin e gjyshit ka trashëgua!
Vëllai Shahinit dhe Kadrijes,
I suksesshëm, n'rrugë të dijes!
Në Universitetin e Tiranës, studioi,
Për gjuhë dhe letërsi diplomoi,
Në Moskë mësimet i vazhdoi,
Kur u këthye, si gazetar punoi!
Ishte laureat, për shumë çmime,
Për dekorata dhe shpërblime,
Në trojet etnike dhe në planet,
Ishte enciklopedi e vërtetë.
Për gjithmonë e la penën,
La bashkëshorten - Helenën,
La vajzat Gresën dhe Besianën,
Thesar veprash që i dhanë famën...
Libri i parë në moshën 28 vjeçare,
"FRYMËZIME DJALOSHARE,"
Pastaj pasuan shumë të tjera,
Nga pena e artë, me shumë vlera!
Sumlla lotësh, shkojnë për faqe,
Ismail i dashur, prehu në paqe,
Në përjetësi pusho i qetë,
Dheu i tokës amë, t'qoftë i lehtë.