Mori Shkodër pse po qan,
Sytë prej lotëve nuk t`u thanë,
Unë pse qajë, mos më pyet,
Një nga një, po m`shuhen yjet!

N`vitin 2023, më 24 nëntor,
U shua edhe një meteor,
U nda nga jeta një artist,
Zef Deda - humorist!

Më 27 korrik 1950 -të,
Zef Deda erdh në jetë,
Lindi n`Shkodër ky aktor,
E fali Zoti t`bëjë humor!

Ishte njeri i devotshëm,
Një puntor i pa lodhshëm,
Si koleg, shok dhe mik,
Ndaj secilit ishte besnik.

Aktroi vetë dhe me shokë,
La pas tij, një epokë,
Ka lënë vepra një thesar,
Skeçe komike, një hambar…

Ishte aktor i komedisë,
I teatrit, kinematografisë,
Gjigant i skenës, televizorit,
Ishte mjeshtër i humorit!

Shumë bukur emitonte,
Këtë dhunti e shfrytëzonte,
Që e pat prej Perëndisë,
Çarli Çapli i Shqipërisë.

Na shkojnë lotët nëpër faqe,
Ylli humorit, prehu në paqe,
Ishe njeri dhe artist i mirë,
Zef Deda, lamtumirë.