Këta vargje që i rreshtoj,
Një pishtari ia dedikoj,
Një kolosi ideolog,
Mulla Jakup Asipit- teolog!
N'Kumanovë, n'fshatin Sllupçan,
Më 2 shkurt 1951, lindi ky vigan,
Në një familje shumë bujare,
Patriotike dhe fetare.
Prej prindërve Asipit dhe Vailjes,
Fëmiu i gjashtë i familjes,
I lumtur kaloi jetën fëmijërore,
N'vendlindje kreu shkollën fillore.
Në Damask të Sirisë,
Vazhdoi rrugën e diturisë,
Në shkollën e mesme për Kuran,
Në medresenë "El - Furkan".
Në Kajro studimet i vazhdoi,
Tefsirin e Kuranit studioi,
Në universitetin, "Al - Az'har",
Ishte ithtar, n'aspektin fetar!
Dëshirë ishte e flakadanit,
Në Bejrut të Libanit,
Vijoi studimet posdiplomike,
Për shkencat e larta islamike!
Studimet posa i ka kryer,
Në atdhe është këthyer,
Në Kumanovë myfti u emrua,
Si hoxhë shumë ka kontribuar!
Me Bedrije Selmanin martohet,
Me tre fëmijë trashëgohet,
Nga Sadudini, Irfani dhe e bija,
Emri saj - Rejhania.
Gjithmonë deshti liri dhe paqe,
Ndër hasmëri pajtoi shumë gjaqe!
Ishte autor i veprave madhështore,
Me përmbajtje kuranore.
Mulla Jakupi - vizionar,
Dha kontribut t' madh kombëtar!
Ky patriot me ideale kombëtare,
Iu bashkua UÇ Kombëtare!
Figurë e lavdishme e plejadës,
Strateg lufte, liridashës,
Nuk e lëshoi pushkën prej dore,
Tha - ose vdekje, ose fitore!
Me mençuri dhe zemër stoike,
La pas një veprimtari heroike!
E tha një thënie të vërtetë,
Pa atdhe të lirë, nuk ka jetë!
Por, n'vitin 2006, më 7 janar janar,
Tragjikisht shuhet ky
thesar!
Në autostradën afër Shkupit -
Pushon zemra e mulla Jakupit!
Një ditë para kurban Bajramit,
Lamtumira e fundit iu dha imamit,
Në ditën e shenjtë të Arafatit,
Nën sumllat e lotëve të xhematit!