Mu lut dhe një herë, për dashurinë mu lut,
Si dielli që të pjek, të jam treguar,
Mos u lodh, te lutem e mos u tut,
E di të kam mërzitur, e di të jam llastuar.

Unë jam degëz dafine e brishtë nëpër erë,
Një puhizë shpirti si Zot erdhe ma more,
S'di ish magji pylli apo dashurish,
Për besë s'di se ti ç'ngatërrove.

Si erdhe dhe trokite, pa të ndierë fare,
Sytë e tu më fshehen, më zunë robinë,
S'ka mbetur tjetër, më merr në krahët e tua,
Më mëso djalo, pak për dashurinë.

Më mëso djalo, pak për dashurinë,
Eja s'bën më ftohtë, e as fryn më erë,
Jam sikur zog, i vetëm nëpër degë,
Mu lut për dashurinë, mu lut dhe një herë.