Disa "disidentë" të rinj
Me kontakte në bashki
Disa të tjerë që t'a dish ti
Si n'kohë "t'xhaxhit" dhe n'parti.

Janë edhe disa në trend
Me djalë daje n'parlament
Rreshtin mbrapa kryetarit
Si këlyshët e zagarit.

Dalin edhe acarohen
Kur "shpërblimet" u vonohen
Se janë hajna të vërtetë
E duan fiks më 15-të!

Kanë fatura, kanë vetura
Kanë dashnore edhe grua
Dmth. kanë shumë shpenzime
Mbi të gjitha s'kanë parime.

Të pa fytyrë e të përdalë
Nëpër studio bëjnë moral
Lyhen, zhgryhen e stolisen
Parfumosen eglendisen.

Që të ngjajnë me të besuar
Këta hajna të "nderuar"
Sapo dalin dhe te "fiksi"
Bëjnë selfie nga Parisi.

"Disidentët" në Milano
Janë te grupi "Celentano"
"Disintët" surrogatë
Me shumicë në Konsullatë.

Dikush thotë: - Qënkan të zotë?!
Jo o vëlla, janë mos më kot
Ngaqë shiten shumë lirë
Bëjnë "karrierë", këta faqenxirë.

"Disidentë" ke me botime
"Manual kanalizime"
Vjedhin shkrime dhe tregime
Edhe bëjnë "promovime".

Si tek filmat me Bud Spencer
"Disidentët influencer"
Por më shumë ripjellë hajnie
"Disidentë frankofonie"!