Sot është Dita e Poezisë
Vargut, strofës, bukurisë
Edhe libri është mediumi
Që i zgjon njerëzit nga gjumi.

Miq poetë kudo që jeni
Urime nga mua keni
Ju që shkruani me pasion
Për Shqipërinë atdheun tonë!

Nga çdo cep i vatanit
Apo shtet t'Amerikanit
Të globit, Europianit
Shkruani me dashuri
Për Kosovë e Çamëri.

Ju që shkruani për mirësinë
Që godisni dhe hajninë
Nxijani faqen besëprerit
Edhe miqve të "Beleris".

Shkruani ju lumtë dora
Për hajdutër edhe horra
Se po shtohen pak si shumë
Me pozitë e të "punësumë".

Nëse një shkrim s'ka mesazh
Është thjeshtë për "lavazh"
Pra ato shkrime banale
Ndryshe quhen komerçale.

Janë shkrime për zbavitje
Që dikush i quan "arritje"
Siç kanë qenë ca "disidentë"
Që hiqeshin sikur në "trend"

Apo si të tjerë horrë
Që hiqen si "prozatorë"
Bëjnë roman për propagandë
Dekorata me girlandë.

Ju që shkruani për vatanin
Për Ilirin dhe Dardanin
Shkruani ju lumtë dora
Dhe për hallet që ka Vlora.

Miq poetë kudo që jeni
Urime nga mua keni
Ju që shkruani me pasion
Për Shqipërinë atdheun tonë!