Sante ndiej qi jam thye keq.
Për dreq, thye keq jam.
Dhe m’vjen m’menje Mitrovicë
ndihem si ti e ndame në dysh.

Jam mes andrrës e shpresës
dhe lumë dhimbjesh qi rrjedh’ n’mes
me nji buzëqeshje t’zbehun ngrys ditën
e natës hapen shtigjet për nji valë lotësh.

Unë e ti kena dhimbjen e njajtë
të ndame në dysh të dyja jemi
andaj t’rrijmë bashkë santé, Mitrovicë
përqafuem t’i ngushllojmë gjysmat.