A je një ndezës
apo fikës konfliktesh?
Shqyrtoje ndërgjegjen tënde!

Unë kam zgjedhur
ta kaloj jetën time tokësore
duke shuar konflikte.

Kush ndihet i dashur,
kush ka marrë dashuri
nuk ndez konflikte,
madje vetëm fryma e Dashurisë
i shuan ato.

Mos lini frymë të tjera në ju,
përveç frymës së Dashurisë:
Ajo do të presë koka gjarpërinjsh të gjallë,
të mëdhenj apo të vegjël qofshin,
e mrekullisht do të ndezë jetë të re
dhe të përjetshme
ngado që të kalojë.