"Mësoni të bëni vepra të mira…!". (Is. 1, 17)

O njerëz!
Mos jini në mëdyshje për të mirën:
Ajo duhet bërë menjëherë!
Atë e njohin të gjitha kulturat,
të gjitha kombet,
të gjitha fetë.
Ajo është si një dritë e kulluar
në ndërgjegjet e të gjithëve.
Mos pyetni nëse duhet ta bëni të mirën
dhe mos jini në mëdyshje
sepse Ajo është e njohur në vetvete
dhe nuk ka nevojë për një aprovim nga jashtë!
Aprovimi duhet vetëm për të dobëtit
që s’dinë të dallojnë lehtësisht
të mirën nga e keqja.