Nuk do të lejoj
të pushtohem nga ankthi i nxitimit,
as nga shigjetat që më vijnë
nga brenda e nga jashtë.
Do të vazhdoj të rrjedh
porsi lumi në shtratin e vet
i përqendruar në një Pikë të vetme.
Rreth Saj do të sillem,
porsi Hëna rreth Dielllit.
E do të mësoj çdo ditë,
siç mëson nxënësi,
gjuhën e shenjtë të Heshtjes;
e do të studioj përvujtërisht
shenjat dhe ngjarjet e jetës,
që të tërheq ëmbëlsisht
vëllezërit e motrat e mia
në Rrugën e vetme të Lumturisë;
e do të burojë një lutje
prej meje vazhdimisht:
Më mëso, o Atë,
Fytyrën tënde fëmijëve të tu t’ua zbuloj,
që ata, së bashku me mua,
ta kemi gëzimin në ne,
e gëzimi ynë të jetë i plotë!