Jemi në ecje,
jo vetëm, por në grup.
Frymëzimet e njërit
janë frymëzim për të gjithë,
rëniet e njërit janë rënie për të gjithë.

Oh, sikur ta kuptonim
se jemi një trup i vetëm!

Jemi një Vëllazëri
e mbledhur nga Ati Qiellor
të bashkuar në të njëjtin Shpirt,
dorë për dorë me Atin
e me njëri˗tjetrin.

Lufta e njërit
është lufta e Atit
dhe luftë e gjithë Vëllazërisë,
Paqja e njërit është Paqe e Atit
dhe e gjithë Vëllazërisë.

Në fundin e jetës,
siç pyeti Kainin,
Ati do të na bëjë vetëm një pyetje:
Ku është vëllai yt?
Ku janë vëllezërit e tu?

Do të qëndroj në Heshtje,
në Shtëpinë tënde,
në këtë Lumturi të pafund
e "Për dashuri të vëllezërve të mi
do të them: Paqja me ty!". (Ps. 122, 8).