Herë-herë lumturohem
për gjëra kaq të vogla,
si për shembull:një lule vocërrake
e sjellë me buzëqeshje
me duart pas shpinës,
një çokollatë e sjellë me dashuri
befasisht duke më përqafuar,
një fjalëz e thënë me gjuhën e shpirtit
ashtu ngrohtësisht mes mërmërimës.

Kjo gjë më lumturon
dhe më bën që shpesh
të buzëqesh mes lotësh,
të qetësohem mes shqetësimit,
e të kthehem në behar mes dimrit.

Kjo më lumturon
dhe më bën të besoj
se jam e fortë
e të them,
se paçka idhnimit,
Jeta ia vlen!