Erdhi shkurti o milet
Ç'është një festë me 14-të
Thonë se është festë dashnie
Ka shumë gjasa t'jetë tregtie

Mbushet gjiro edhe sushi
Salmonelë dhe raki rrushi
Restorant, "nouvelles couisine"
10 mijë lekë një patatinë

Ditën tjetër o njeri
"Altro che" me ngrejt dolli
Gjysma me dizenteri
E direkt për farmaci

Me ilaçe të skadume
Këta horra dhe tutkune
I kanë hy mirë asaj pune

Mashtrrime për përfitime
Për shëndetin veç dëmtime
Ec mër bleje me nnxitim
- Dashke ti dhe rimbursim?!
Ec mër kur u bone ti
Merri këto e rrasja n'shpi

N'tv plot telenovela
Me ca horra e baxhella
Disa turke e latine
Intrigë,raporte intime
Prokurime përfitime

- Mali paska pirë shumë ujë?!
Tha eksperti, mos e luj
Ja pra tha,e shof që këtu
E paska ekzagjeru
Lëre pak sa të qetësohet
Sa t'thahet, t'stabilizohet

E më pas vazhdon avazi
Prenotime te masazhi
Pak relaks me tip "kolazhi"
Shumë klientë nga patronazhi

E më pas shkojnë me nxitim
Mos t'vonohen në takim
- Erdhe zemra,erdha ylli
Sot i rashë andej nga brryli

Veç vjedhjes, këta t'përdalë
Duan t'çthurrin dhe moral
Të pacipë edhe pa norma
Llapin edhe për reforma?!

E kanë kthyer këta hale
Në një festë komerçale
Në vitrinë shesin parfumë
Gjysma janë të skadumë
Pjesa tjetër "contraffato"
Çokollatë edhe "gelato"

Çfarë t'festosh more njeri
Kur ke hajna n'qeveri
Dhe besëprerë në dikaster
Po e kthejnë kët vend në ferr
Pa i shporrur këta hajdutë
Qofshit ju, prapë po festut!