Moj Kosovë e Dardanisë
Motra e hijshme e Shqipnisë
Tmerr i madh i t'tanë Krajlisë
Edhe i gjithë Rumelisë.

Me Bardhylin, mbret Dardan
E luftove çdo tiran
Dhe Monunin, gjak shqiptari
Preve dhe monedha ari
E Mytilin t'urtë e t'mirë
Hodhe bazë për Shtet Ilir!

Dhe me anë të Konstantinit
I dhe hov civilizimit
Që n'Bizant hodhi themelet
Dhe atje, tek Dardanelet.

Ke lind trima legjendar
Azem Bejta, Adem Jashar
Ç'do armiku i bënë ballë
N'fushëbetejë gjithmonë të parë.

Falem'nders Hasan Prishtina
Rilindas dhe trim mbi trima
Që e shkrive pasurinë
Si Abdyli në Janinë
Për një Kauzë,Shqiptarinë!

Nuk u lodhe asnjëherë
Besë dhe nder,Idriz Sefer
Dy jetë n'luftë për Shqiptari
Luftoi tre perandori!

Moj Kosovë në mes t'Ballkanit
I ke dalë zot t'gjithë Vatanit
Më 17 shkurt 2008
I the serbit: - Këtu jam vetë!