Mos u mërzit,
as mos lejo të helmohet shpirti yt,
nëse një njeri i yti
ka bërë vetëvrasje,
sepse ti e ke këshilluar
të mos shkojë asaj rruge!

Edhe Zoti na ka thënë:
«Mos e kërkoni vdekjen
me gabime të jetës suaj
dhe mos e rrënoni veten
me vepra të duarve tuaja,
sepse Hyji nuk e krijoi vdekjen
dhe nuk i gëzohet bjerrjes së të gjallëve.
Sepse ai gjithçka krijoi që të jetojë;
dhe, në botë, breznitë janë shpëtimprurëse
e në to nuk ka vrer shkatërrues
dhe Nëntoka nuk e sundon tokën:
sepse drejtësia është e pavdekshme». (Urtia 1, 12˗15)