Dielli i lodhun, piket teposhtë,
teposhtë qiellit kah deti kaltër
për tu myt e fik në t'kaltrat valë.
Tuj u shqye teposhtë n'për retë,
nis t'përgjaket ai disk i zjarrtë.
Derdhet llavë detin tu e përskuq,
teksa pulëbardhat lunrojn nër valë,
tu peshku si t'mytuna n'gjak.
Retë hapin petale trandafilash t'kuq,
teksa dielli fiket i mytun n'detë,
qielli, toka, deti e retë myten n'atë.
Nisin luftën bregu e dallgët,
tuj u përlesh, valtë tuj shkumzu.
N'mramje mundet bregu nga valët,
e n'agim tërhiqen valët tu shkumzu,
pas mundjes tyne pri bregut t'ranët.