Ti, u linde fëmijë.
Si dhe Ne...
Ti, u ndjeve mjeran kohëndyrës!
Sepse...
Ti, u flijove, si Ti!...
Por, s’më the...
Përse, Engjëllori?!...
Përse!...

Përse fëmijërinë, flake tutje,
e le!...
Përse ëndërbukurën,
nuk ndënje,
s’e pe...
Përse le lëndinë,
ku hepon lulja,
nuk fle?!
Zgjodhe vdekjen, për jetë.
Ika the:
U shndërove në ag,
i një dite të re?!

Kur nuk e dije, së paku,
nëse...
Do thërritesh Hero,
po qe se...
S’të haronim harimesh,
si Ne.
S’të baltosnim pështymash,
me çke...
Kur Ti, në sotmtmen,
je "dje"!

Ah dhe ta dinit, ç’na falni,
ende.
Ne marrim nga Ju.
Kemi ç’se!...
Unë nuk isha aherë,
tani s’je...
Të pyeteshim ballaz:
Përse?!
S’shbëjmë veten,
por të rrjepim Atdhe!

Mbas rutin-homazhezh,
në kujtimin Tuaj
Me karafilin tharrë,
që kurrë s’u bë kurorë
Po pi një kafe, kafenesë,
krejt i huaj...
Tek rrëzohen lajmet në televizor:
"Kryeministri... "veteranët"...
gjithfarë ambasadorë!"...

Vrapojnë titrat poshtë,
Theqafen theqafjesh
Theqafen në shfaqien
e këtij filmi hororë!...