Lule, e luluar...
Sy e ball, hënuar,
ylber i harkuar

Lule, e luluar,
ëndërr, ëndërruar!...

Lule, e luluar...
Lot, i përvëluar,
mbi qerpikun shkruar

Lule, e luluar,
ëndërr pa plotsuar!...

Lule, e luluar...
Sa kam dëshiruar,
të mba në duar

Lule, e luluar,
ëndërr e vonuar!...

Lule, e luluar...
Yll në të aguar,
ujë kroi, kulluar

Lule, e luluar,
sa jam dashuruar!

Lule, e luluar...
Ikonë shenjtëruar,
mollë e pa kafshuar

Lule, e luluar,
këngë e pa kënduar...

Pa eja moj lule,
jak tek unë, një herë
Të më bjesh beharë,
të më sjellç’ pranverë!

S’të kërkova pajë,
s’të kërkova prikë
Pa eja, moj lule,
jak tek unë, një çikë...

(Në mos, nuk të lënçin... Jak dhe më mbyll sytë!)