I përçmuar u rrit babai
Fjala e tij, s'kishte peshë.
Pak shkollë, shumë nder
Ai askënd s'kishte përqesh.

I mashtruar dhe i gënjyer
Nga njerëz me shumë shkollë,
Veç të vetën, tjetër s'mori
Thanë: s'ishte mendjehollë.

I harruar dhe i nëpërkëmbur
Nuk u bë kurrë filozof,
Para tij në rend të parë,
Të mençur ishin, ata më gëzof.

I përçmuar u rrit babai
Me shumë mundime, pesë fëmijë,
Lotët, dhembja dhe hidhërimi,
Ç'mu kujtuan një ditë me shi.