I do manushqet?
Kërko të vijë mars.
I do sythet plot lëng e burbuqe?
Prapë kërko të vijë mars.
I do të mashtrohen pemët e të mbushen me lule?
Prapë kërko të vijë mars.
E do ditën te barazohet me natën?
Prapë kërko të vijë mars.
E do diellin, ngricën, shiun dhe vapën?
Prapë kërko të vijë mars.
I do erërat të luajnë tango me shtrëngatën?
Prapë të vijë mars.
I do dallëndyshet të rikthehen në vatër?
Prapë kërko të vijë mars.
I do shtetrrethimet e zymta, pa gas,
Parapë kërko të vijë mars.
E do muajin më anarkist?
Mos kërko tjetër, veç mars.