Në kohë të regjimit,
dënojnë një meshtar,
duke i thënë shkakun:
- Ti je besimtar!

E rrahën të gjorin,
shpinës i japin dru.
Nga burgu s’do dalësh,
fenë pa e mohu’.

I thonë: Shkele Kryqin!
Do të dalë më mirë.
E kështu së shpejti,
do të jesh i lirë.

S’mendojnë të mjerët,
bijtë e robërisë,
se është vetë Kryqi,
shenja e lirisë.

Papritmas meshtari,
Kryqin përqafoi.
Bam! – krisi pushka,
në ballë e qëlloi.

Gjaku i derdhur,
bukur në mur shkroi:
Për Krishtin vdiqa,
me Krishtin jetoj.