Djellon mëngjesi prillit,
nër gonxhe t'vesume.
Kaltron kupë e qiellit,
për mi livadhe t'lulzume.

Flladi amël seç lodron,
me gonxhet e trandafilit.
N'zabele blerimi gjethon,
nan melodi t'kangës bilbilit.

Kthehen zogjt mërgimtarë,
do tufa-tufa, t'tjer t'vargzu.
N'folenë, shtëpizë e parë,
aty, ku kangën kan msu.

Diku matanë shiu veson,
me riga nër rreze t'diellit.
N'shpatet blerume harkon,
spektrin e ngjyrave t'ylberit.

Nan muzgun e përskuqun,
atje n'lëndina ku hana rrezo.
Cuca me buzë t'paputhun,
djalin që do, n'gji e shtërgo.