"Jeta, thonë që është e bukur, por nuk e kam njohur",
mu rrëfye një frymë alkooli nga nata e lodhur.
"Pastërtia është shëndet, por shpirtin askush nuk pastron",
psherëtiu një buskuq rrëmbyer nga buzët me pasion.

Një jevgë këmbëngul akoma se llumi i kafesë,
fsheh prej ditës fantazmën që nuk pranon të vdesë.
Më pëshpërit ''adio'', por unë nga xhami të ndjek përsëri,
nata rri zgjuar, në trup të fle madama Bovari.